យោងតាមប្រភពពត៌មានដកស្រង់ចេញពីគេហទំព័រឌីជីថលបានបង្ហើបឲ្យដឹងថា iPad mini 2 ជំនាន់ក្រោយរបស់ក្រុមហ៊ុន Apple នឹងបង្ហាញខ្លួនជាមួយនឹងពណ៌ស្រស់ៗជាច្រើនដែលសុទ្ធតែជាពណ៌ ពេញនិយមសម្រាប់មនុស្សគ្រប់វ័យ ហើយក្រុមបច្ចេកទេសក៏នឹងប្រើប្រាស់អេក្រង់ប្រភេទRetina Display ជាបច្ចេកវិទ្យារបស់ដៃគូប្រជែងSamsung ផងដែរ។
របាយការណ៍ពត៌មាននេះក៏បានបកស្រាយបន្ថែមទៀតថា iPad Mini 2 មានច្រើនពណ៌សម្រាប់ជ្រើសរើស គ្រោងនឹងបង្ហាញខ្លួនលើទីផ្សារនៅត្រឹមត្រីមាសទីបួនក្នុងឆ្នាំ២០១៣នេះ ព្រមគ្នាជាមួយនឹងគម្រោងចេញលក់ទូរស័ព្ទiPhone សេរ៊ីថ្មី និងទូរស័ព្ទiPhone តម្លៃថោក iPhone 5C ដូចដែលក្រុមហ៊ុនApple ធ្លាប់បានប្រកាសកាលពីពេលកន្លងទៅ។
ក៏ប៉ុន្តែទន្ទឹមនឹងដំណឹងដ៏គួរឲ្យចាប់អារម្មណ៍នេះ គេហទំព័របច្ចេកវិទ្យាដ៏ល្បី 9to5Mac បានអះអាងថា ពួកគេបានរកឃើញនូវបណ្តុំកូដជាច្រើនដែលត្រូវបានគេប្រើប្រាស់នៅក្នុងប្រព័ន្ធប្រតិបត្តិការចុងក្រោយបំផុត iOS 7 beta ដែលបណ្តុំកូដទាំងនេះហាក់បីដូចជាបង្ហាញឲ្យឃើញថា iPad Mini 2 នឹងមិនមានការបំពាក់បច្ចេកវិទ្យាអេក្រង់ប្រភេទRetina Display នោះទេ ប៉ុន្តែជំនួសវិញដោយការupdate processor ។មិនតែប៉ុណ្ណោះទូរស័ព្ទiPhone ជំនាន់ក្រោយរបស់Apple នឹងបន្ថែមនូវកម្មវិធី fingerprint sensor ដ៏ពិសេសមួយ ជាលក្ខណះពិសេសដ៏សំខាន់បំផុតសម្រាប់ប្រជែងលើទីផ្សារSmartphone លើពិភពលោក។
Tag :
PHONE
